Xayr maktab, salom kollej!
Xalq taʼlimi vazirligining 2017 yil 28-apreldagi "Umumiy oʻrta taʼlim muassasalarida 2016-2017 oʻquv yilini yakunlash va «Xayr maktab, salom kollej!» tadbirlarini oʻtkazish toʻgʻrisida”gi 135-sonli buyrugʻiga muvofiq shu yilning 25-may kuni tumanimizning barcha umumtaʼlim maktablarida "Xayr maktab, salom kollej!” tadbirlari koʻtarinki ruhda tashkil etildi. Bu yili tumandagi umumtaʼlim maktablarining 9-sinfini 3369 nafar oʻquvchi-yoshlar bitirmoqda. Ular davlat imtihonlari yakunlanganidan keyin tumanimiz va Qoraqalpogʻiston Respublikasida joylashgan kasb-hunar kollejlari va akademik litseylarda oʻqishni davom ettirishadi. Shu sababdan ham 9-sinf bitiruvchilari uchun bagʻishlangan tadbir "Xayr maktab, salom kollej!” deb nomlangan.
"Xayr maktab, salom kollej!” tadbirlari oʻquvchilar-ning qalbi va ongiga milliy istiqlol gʻoyasini, xalqimizning yuksak maʼnaviyati va insonparvarlik anʼanalariga sadoqat tuygʻusini chuqur singdirish, ularda kelajakka ishonch, keksalarga va ustozlarga hurmat-ehtirom, Vatanga muhabatkabi tuygʻularni shakllantirishga hamda zamonaviy kasb-hunarga ega boʻlish ishtiyoqini jonlantirishga yoʻnaltirilgan.
Tadbirlarda mahalla fuqarolar yigʻinlari faollari, faxriy oʻqituvchilar, ota-onalar, maktabning sobiq bitiruvchilari va huquqni muhofaza qilish idoralari vakillari ishtirok etishib, oʻquvchilarga yurtimizda mustaqillik yillarida erishilgan yutuqlar, amalga oshirilgan keng koʻlamlibunyodkorlik ishlari toʻgʻrisida aniq raqamlar va dalillar keltirilgan holda jonli muloqotlar tashkil etildi.
"Xayr maktab, salom kollej!” tadbirlarida oʻquv yili sarhisob qilinib, sport musobaqalari, musiqa tanlovlari, bilimlar bellashuvi va umuman maktab hayotida faol ishtirok etgan faol iqtidorli oʻquvchilar hamda fidoyi oʻqituvchilar taqdirlandilar. Ayniqsa 9-sinf oʻquvchilari orasida fanlar olimpidasining Qoraqalpogʻiston Respublikasi bosqichida sovrinli oʻrinlarni egallagan 27-maktabdan Ayjamal Oʻrazboyeva, 56-maktabdan Bilol Toʻliboyev, 67-maktabdan Hulkaroy Xudoyorova, 16-maktabdan Umidjon Pirmanov, 18-maktabdan Dilshod Odilboyev, 5-maktabdan Ozoda Maqsadboyeva, 15-maktabdan Ruslan Yoʻldoshevlarni alohida atab oʻtish mumkin. Ushbu oʻquvchilar oʻzlari tanlagan fan yoʻnalishlari boʻyicha Qoraqalpogʻiston Respublikasi hududidagi istagan kasb-hunar kolleji yoki akademik litseylarga toʻgʻridan-toʻgʻri oʻqishga kirish imkoniyatiga ega boʻlishdi.
Shuningdek, oʻz qobiliyati va iqtidori bilan bilimlar bellashuvi, turli sport musobaqalarida yuqori oʻrinlarni egallab, ustozlari va ota-onalar ishonchini oqlagan oʻquvchilar alohida taqdirlandilar. Shuningdek, "Eng ibratli oʻquvchi”, "Eng faol oʻquvchi”, "Ijodkor oʻquvchi”, "Yosh ixtirochi”, "Maktabimiz faxri”, "Sport ustasi”, "Kompyuter ustasi”, "Eng orasta qiz” kabi nominatsiyalar boʻyicha iqtidorli va namunali oʻquvchilar ham taqdirlanishdi.
Tumanimizdagi umumiy oʻrta taʼlim muassasalarida bu yil oʻtkazilgan "Xayr maktab, salom kollej!” tadbirlari maktab oʻquvchilari, ayniqsa bitiruvchi yoshlar hayotidagi unutilmas voqealardan biri boʻlib qoladi.
Ramatulla Matqurbonov, tuman XTMFMTTEB mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
