Hurmatli yurtdoshlar!

Oʻzbekiston Respublikasi Prezidentining 2017-yil 28-fevral kungi "2017-yilgi Navroʻz umumxalq bayramiga tayyorgarlik koʻrish va uni oʻtkazish toʻgʻrisida”gi qaroriga muvofiq bu yilgi Navroʻz bayrami joylarda umumxalq sayillari shaklida oʻtkaziladi.

Bayram tomoshalarini folklor guruhlari, badiiy havaskorlik jamoalari, dorbozlar, tsirk artistlari, oilaviy ansambllar, baxshilar, shoirlar, shuningdek, professional ijrochilar hamda isteʼdodli estrada xonandalarini jalb etgan holda yuksak saviyada oʻtkazish rejalashtirilmoqda.

Shu munosabat bilan umumxalq sayllari boʻlib oʻtadigan Mangʻit shahri Olmazor mahallasidagi Markaziy oʻyingoh hamda Madaniyat va istirohat bogʻiga olib boruvchi yoʻllar, yaʼni "Barkamol avlod” hamda Islomobod koʻchalarining bir qismi 20-mart kuni soat 8-00 dan 20-00 gacha avtotransport vositalari qatnovi uchun vaqtincha yopiladi.

Barchani 20-mart kuni boʻlib oʻtadigan Navroʻz bayrami tomoshalari va umumxalq sayliga taklif qilamiz.

Tuman hokimligi.