Zamonaviy qiyofa kasb etgan maktab
Istiqlol yillarida mamlakatimizda taʼlim muassasalarini yangidan qurish, mavjudlarini kapital taʼmirlash ishlariga katta eʼtibor qaratilmoqda. Natijada kelajagimiz egalari boʻlmish yoshlarning zamon talablari asosida bilim olishlari uchun barcha zarur sharoitlar yaratilmoqda.
2016-yilning manzilli davlat dasturi doirasida tuman boʻyicha jami 10 ta taʼlim muassasasida taʼmirlash va rekonstruktsiya ishlari amalga oshirilishi rejalashtirilgan.
Yaqinda "Qurilish xizmat” masʼuliyati cheklangan jamiyati quruvchilarining fidoyi mehnatlari bois zamonaviy qiyofa kasb etgan Jumurovul mahallasidagi 48-sonli umumtaʼlim maktabi binosi foydalanishga topshirildi.
Maktabning yangidan taʼmirlanib, zamonaviy qiyofa kasb etgan binosining ochilish marosimida soʻz olganlar taʼkidlaganidek, muhtaram Yurtboshimiz rahnamoligida istiqlolning dastlabki kunlaridanoq mamlakatimizda taʼlim-tarbiya ishlariga alohida eʼtibor qaratilmoqda.
Mazkur maktab binosini kapital taʼmirlash ishlariga 252 million soʻmdan ortiq mablagʻ sarflandi. Natijada 190 oʻquvchi oʻringa moʻljallangan taʼlim maskani binosida oʻquvchilar, oʻqituvchilar uchun barcha sharoitlar yaratildi.
Albatta, bu kabi eʼtibor kelgusida mamlakatimiz nomini dunyoga tanitadigan yoshlarimiz safining yanada kengayishiga zamin yaratadi.
Suratlarda: yuqorida – maktab binosining tashqi koʻrinishi. Pastda – maktab binosining foydalanishga topshirilish marosimidan lavha.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
