TADBIRLAR OʻQUVChILAR SAVIYaSINI OShIRIShGA XIZMAT QILMOQDA
Mamlakatimizning har bir oʻquv muassasasida oʻquvchi-yoshlarning maʼnaviyati va madaniyatini yuksaltirish borasida turli xil mavzularda seminar-treninglar, davra suhbatlari va kechalar oʻtkazilib, kelinmoqda. Bizning Amudaryo akademik litseyimizda ham bunday tadbirlar oʻtkazilib turadi. Masalan, yanvar, fevral, mart, aprel oylarida "Toza qoʻllar – sogʻlik garovi”, "Oʻquvchi-qizlar oʻrtasida mobil telefondan foydalanish madaniyati”, "Zararli odatlar”, "Sport – salomatlik garovi”, "Oʻgʻil va qiz bolalar oʻrtasida muomala madaniyati”, "Maʼnaviyatimizni asrab qolaylik” kabi mavzularda kechalar, seminarlar oʻtkazildi. Unda yoshlar faollik bilan qatnashib, oʻzlarini qiziqtirgan savollarga javob oldilar va bu borada oʻz fikr va mulohazalarini bildirdilar.
Shu kabi tadbirlardan yana biri yaqinda "Oʻsmirlik davridagi oʻzgarishlar va qanday holatlarda shifokorlarga murojaat qilish kerak?” degan mavzuda oʻtkazildi. Unda tuman Tibbiyot birlashmasi akusher-ginekolog shifokori Barno opa Yangiboyeva, hudud terapevt shifokori Tozagul opa Saparovalar qatnashib, bu borada yoshlarga tushunchalar va oʻquvchilarni qiziqtirgan savollarga javob berishdi. Mavzu doirasida qizgʻin bahs-munozaralar boʻlib oʻtdi. Bunda Farida Eshchonova, Oliyaxon Ahmedova, Hilola Saparboyeva, Dilbaroy Yusupova, Sevara Ibrohimovalar oʻzlarini qiziqtirgan savollar bilan ishtirok etdilar.
Tadbir soʻngida oʻqituvchilarning mavzu borasidagi fikrlari tinglandi.
Sherzod MADRIMOV, Amudaryo akademik litseyi oʻqituvchisi.
Dinora KARIMBOYeVA, shu litsey oʻquvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
