ILGʻORLARGA SOVGʻALAR TOPShIRILDI
Tumanimizda 2015-yil hosili uchun 215 ta fermer xoʻjalik-larida 3000 gektar maydonga gʻalla ekilib, davlatimiz xirmoniga 5530 tonna don mahsulotlari yetkazib berish boʻyicha shartnomalar tuzilgan edi. Bu yilgi mavsumda fermer xoʻjaliklari shartnomadan tashqari gektariga 5 tsentnerdan qoʻshimcha yana 1527 tonna gʻalla topshirib, umumiy xirmonni 7057 tonnaga yetkazdilar va Respublikada birinchi boʻlib shartnoma majburiyatini bajardilar.
Muhtaram Yurtboshimiz boshchiligida qishloq xoʻjaligida tub islohot va oʻzgarishlarning amalga oshirilayotgani, birinchi navbatda fermerlik harakatiga keng yoʻl ochilib, uning rivoji uchun barcha sharoitlar yaratib berilgani, dehqonlarimiz oʻzini yerning, mulkning haqiqiy egasi deb his qilayotgani, oʻz mehnatidan manfaatdorlik tuygʻusi ortib borayotgani kabi omillar bunday ulkan mehnat zafarining asosi boʻldi.
Qolaversa, yerlarning meliorativ holati yaxshilanib, selektsiya ishlarining toʻgʻri yoʻlga qoʻyilgani, gʻalla navlarini hududning iqlim va tuproq sharoitini, suv bilan taʼminlanish darajasini inobatga olgan holda joylashtirish, zamonaviy texnika, yangi kombaynlar, mineral oʻgʻitlar, yoqilgʻi-moylash materiallarini oʻz vaqtida yetkazib berishni taʼminlashga alohida eʼtibor qaratilgani bu borada muhim ahamiyat kasb etdi. 2015-yil gʻalla hosili uchun fermer xoʻjaliklariga jami 1 mlrd. 36 mln. 895 ming soʻmlik imtiyozli bank kredit mablagʻlari ajratildi. Shuningdek, fermer xoʻjaliklariga 890 mln. 815 ming soʻmlik 870 tonna sifatli urugʻlik don, 1 mlrd. 340 mln. soʻmlik 693,5 tonna mineral oʻgʻitlar, 799 mln. 332 ming soʻmlik 290 tonna yonilgʻi-moylash materiallari yetkazib berildi.
2015-yilda gʻalladan olingan jami daromad 3 mlrd. 195 mln. 670 ming soʻmni tashkil qildi.
Yaqinda gʻallachilikda ulkan zafarga erishgan mehnat ilgʻorlari va fidoyilariga Qoraqalpogʻiston Respublikasi Joʻqorgʻi Kengesi va Vazirlar Kengashi, tuman hokimligi va homiylar tomonidan qimmatbaho sovgʻalarni topshirishga bagʻishlangan tadbir boʻlib oʻtdi.
Tadbirda davlatga gʻalla topshirish shartnomaviy rejasini birinchi boʻlib bajarishga erishgan fermer xoʻjaliklari raislari, xizmat koʻrsatuvchi MMTP boshliqlari, urugʻlik gʻalla yetishtiruvchi fermer xoʻjaliklari rahbarlari, oʻrim-yigʻim otryadlari rahbarlari, ichki ishlar boʻlimi xodimlari, ilgʻor kombaynchilar, muxandis-mexaniklar, "Besh yuz boshi”lar, zararkunandalarga qarshi kurashish ishlarini namunaviy tashkil etgan biolaboratoriya xodimlari homiylarning qimmatbaho esdalik sovgʻalari bilan taqdirlandilar.
Allambergan JUMANIYoZOV.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
