FIDOYILIKNING MUKOFOTI

Atrofga boqsangiz, turli xulq-atvor sohiblari köp, şu bilan birga, turfa kasb kasb egalari ham. Ular bilan muomala qiliş asnosida kasbiy faoliyatlari bilan xulq-atvorlarining naqadar mutanosibligidan hayratlanasiz. Muloyim va mehribon şifokorlar, öta eʼtiborli öqituvçi-murabbiylar sinçkov, har bir detalga qiziquvçan quruvçi va muhandislar-u jurnalistlardan farqli ölaroq umrini haydovçilik kasbiga bağişlagan insonlar, nazarimda boşqalarga nisbatan hayotni yaxşi biladigandek.

Nega, deysizmi? Çunki şu kasb egalari kundalik iş jarayonlarida köplab odamlar bilan uçraşib, muloqotda böladilar. Suhbatdoşlarini tinglaş asnosida ularning feʼl-atvorini, hatto hayot tarzini ham maʼlum maʼnoda bilib oladilar, biri-biriga öxşamaydigan, turfa feʼlli odamlar esa goh sözini anglab, gohida anglamay aytayotgan gaplari bilan haydovçilar uçun özi haqidagi maʼlumotlarni berib qöyganlarini hatto bilişmaydi ham.

Agar taʼbir joiz bölsa, Qurbonboy Davlatmurodov özining oddiy haydovçigina emas, yuzlab, balki minglab insonlarning dard-u taşvişlariga, quvonçlariga oşna böliş bilan birga, odamlar feʼl-atvorini “öqib oliş”, tegişli xulosalar çiqariş xususiyatiga ega insonlardan. Şundanmi, uni tanigan-bilganlar: “odamlarni taniş va hayotni bilişda professor bölib ketgan” deya eʼtirof etişadi.

Hayotining 30-yildan ortiq davrini oddiy haydovçilik kasbiga bağişlagan Qurbonboy Davlatmurodov to nafaqaga çiqquniga qadar, 7-yil davomida Amudaryo tumani yöl qurilişi idorasida, 1993-yildan 2016-yillar oraliğida esa Amudaryo tumani Içki işlar bölimida faoliyat yuritdi. Kasbiy faoliyatidan kelib çiqib, keçasi-yu kunduzi, baʼzan yarim tunlari, tongotar paytlari soha xodimlari bilan bab-baravar el-yurt osoyiştaligi yölida fidoyilik bilan mehnat qildi. Tezkor çaqiriqlar, tezkor qidiruv-suriştiruv operatsiyalarida Içki işlar bölimi xodimlariga yaqin kömakdoş böldi.

Iş soatlari qaçon boşlanib, qaçon tugaşini özlari ham bilmaydigan Içki işlar bölimi xodimlari bilan bilan hamkorlikda köplab jinoyatlar sodir etilişining oldini oliş, ovul va mahallalarda baʼzan oilaviy nizolar, qöni-qöşnilar, mahalladoşlar örtasida arzimagan sabablarga köra kelib çiqqan janjallarni bartaraf qiliş böyiça amalga oşirilgan tadbirlarda şunçaki iştirok etmadi, balki haqiqatning yuzaga çiqarilişida kuniga 15-20 soatlab, betinim mehnat qildi.

Faoliyatida şunday kunlar ham bölardiki, tumanning olis Nazarxon ovulida yuz bergan noxuş bir hodisa tafsilotlari böyiça örganişlar olib borgan tezkor suriştiruv guruhi aʼzolariga, kunning qaysi vaqtida bölişidan qatʼiy nazar, yana topşiriq berilardi. Bu gal yo tumanning Qiliçboy, yo Oq oltin, Böz yop kabi mavzelaridan tuşgan çaqiruv böyiça yölga çiqiş zarurati tuğilardi.

Qurbonboy Davlatmurodov yana osoyiştalik posbonlari bilan birgalikda rulga ötirib, öz postida körsatilgan manzillar tomon otlanardi. Soha xodimlari bilan birgalikda tuşligi ham, baʼzan keçki tamaddisini ham maşina kabinasida ötkaziş esa odatiy hol edi. Hatto ayrim qiyin vaziyatlarda maşina kabinasi Qurbonboy uçun birozgina “quş uyqusi” qilib oliş vazifasini ham ötagan paytlar köp böldi, Içki işlar sohasi xodimlarining bunday beorom keçgan iş faoliyatlarini bilganlar “it yotiş, mirza turiş” qabilidagi iboraga nisbat qilsalar, bilmaganlar “ularga maza, hamma qörqadi”, —deya sayoz fikrlaşadi.

– Içki işlar xodimidan aslida kim qörqadi? Öziga işonmaydigan, iş faoliyatida yoki xulq-atvorida biron işkali borlar qörqadi, huquqiy savodli, madaniyatli odamlar uçun, agar bilsalar, Içki işlar xodimlari çinakam döst va qadrdon, – deydi Qurbonboy Davlatmurodov. – Men soha xodimlari bilan 24-yil davomida birga işlaşib, şuni bilamanki, ötayotgan kunimizning har bir soatida ulardek beorom yaşab, mehnat qiladigan kasb fidoyilari yöq.

Ana şunday fidoyi lahzalar Qurbonboy Davlatmurodovga ham xos. U to nafaqaga çiqquniga qadar beorom mehnat faoliyati bilan band böldi, Amudaryo tuman Tibbiyot birlaşmasi qoşidagi Markaziy poliklinikada hamşira bölib işlagan, ayni paytda nevaralari davrasida keksalik gaştini surayotgan umr yöldoşi Gavharxonim “heç bölmasa keçki ovqatga uyga kelar”, degan niyatda Qurbonboyni dasturxon boşida uzoq kutib-kutib, oxiri farzandlari bilan birga tamaddi qilardi. Baʼzan yarim tunlari, baʼzan tongga yaqin horib-tolib kelgan umr yöldoşini Gavharxon saldan keyin yana şoşilinç çaqiruv sabab yana işga kuzatib qolaverardi. Öh-hö, 24-yil davomida neça yuz martalab tuşligi-yu keçki ovqati maşina kabinasida ötgan, baʼzan şunçaki oddiy suv içib, non kavşab rul boşqargan, ayoli tayyorlagan ovqatini ilitma tamaddi qilgan Qurbonboy haydovçi biron marta öz kasbiy faoliyatidan noligan emas. Aksinça, el-yurt osoyiştaligi yölidagi saʼy harakatlarda özining ham iştiroki borligidan mamnunligini yaşirmaydi.

– Şu sohaning tuz-namagi bilan farzandlarimni halol, mehnatkaş qilib tarbiyaladim, hammalari hayotdan öz örinlarini topişdi, – deydi u kamtarlik bilan. Xalqimiz bekorga “ot izini toy bosar”, “otadan körgan tön biçar”, qabilidagi hikmatlarni yaratmagan.

Bugungi kunda Qurbonboy Davlatmurodovning bir qizi uç nafar öğli ota-onasiga, el-yurtga kamarbasta insonlar bölib voyaga yetişdi. Ayni paytda qizi baxtli oila bekasi, ikki öğli esa otasi işlagan sohani tanlaşgan. 7-yildirki, katta öğli Milliy gvardiya safida xizmat qilib. jamiyat osoyiştaligiga özining munosib hissasini qöşib kelmoqda. Ikkinçi öğli esa Örta Osiyo Xalqaro nodavlat Universitetida sirtdan tahsil oliş bilan birga Milliy gvardiya tarkibida namunali faoliyat yuritmoqda. Uçinçi öğli hozirgi paytda metan gaz quyiş şoxobçasi operatori, uning ham orzusi kelajakda içki işlar tizimida işlaş, xalq osoyiştaligi yölida munosib xizmat qiliş.

Qurbonboy Davlatmurodov 2016-yilda nafaqaga çiqdi. Köpinça ayrim yuqori malakaga ega kasb egalarining hayotiy va kasbiy tajribalaridan samarali foydalaniş maqsadida “bu nafaqada-ku” deyişmaydi, balki uning tajribalaridan maqsadli foydalaniş çoralari köriladi. Qurbonboy Davlatmurodovni bilganlar ana şu yösinda iş tutişdi va Amudaryo tuman Xalq qabulxonasiga haydovçi sifatida işlaşga taklif qilişdi. Halol va öz kasbiga fidoyi bölgan Qurbonboy Davlatmurodovning el-yurt oldidagi samarali mehnatlari davlatimiz tomonidan munosib baholandi. U yaqinda Qoraqalpoğiston Respublikasi Jöqorği Kengesi tomonidan “Vatan fidoyisi” kökrak nişoni bilan taqdirlandi.

Biz ijodiy jamoamiz bilan birgalikda 25-oktyabr – Içki işlar xodimlarining kasb bayrami munosabati bilan katta serjant Qurbonboy Davlatmurodovning quvonçiga oşna bölib, uzoq yillik samarali mehnati davlatimiz tomonidan yuksak eʼtirof etilgani bilan muborakbod etdik. Zero, el-u yurt uçun qilingan mehnatning ham, insonning ham qadri doimo balanddir. Qadr-u qimmatingiz hamişa baland bölsin, Qurbonboy oğa!

Robiya Yöldoşeva.