AMUDAPYo TUMANIDA BIP KUNDA IKKITA YaNGI OILAVIY NODAVLAT MAKTABGAChA TAʼLIM TAShKILOTI ISh BOShLADI
Butun mamlakatimizda boʻlgani kabi tumanimizda ham yosh avlod kamoli yoʻlidagi ilk va masʼuliyatli bosqich boʻlgan maktabgacha taʼlim tashkilotlari sonini koʻpaytirish, ularda taʼlim-tarbiya ishlarini samarali olib borish va pirovardida bolalarni maktab taʼlimiga sifatli tayyorlash boʻyicha koʻpgina amaliy ishlar qilinmoqda. Xususan, 2018-yilga nisbatan 2019-yilda bolalarni maktabgacha taʼlim tashkilotlariga qamrab olish darajasi 8,3 foizga oʻsdi. Tuman miqyosida 3-7 yoshgacha boʻlgan bolajonlarning 45,5 foizi maktabgacha taʼlim tashkilotlariga jalb etildi.
Yangi yil bayrami arafasida amudaryolik bolajonlar va ularning ota-onalari uchun quvonchli voqea sodir boʻldi – har biri 25 nafardan bolajonlarga taʼlim-tarbiya berishga moʻljallangan 2 ta oilaviy nodavlat maktabgacha taʼlim tashkiloti foydalanishga topshirildi.
Bunungdek savobli ishga qoʻl urganlarning biri Farovon mahallasida yashovchi yakka tadbirkor Zamira Oʻrozboyevadir. Zamonaviy, namunali uslubda qurilgan 3 xonali 6 sotixlik uchastkada joylashgan muhtasham hovlida bolajonlar uchun barcha sharoitlar yaratilgan. Bolalar dunyosiga xos bezatilgan, turli oʻyinchoqlar bilan taʼminlangan tashkilot ish boshlashi bilan-oq, hududning 25 nafar jajji oʻgʻil-qizlarini oʻz bagʻriga oldi.
Choykoʻl ovulida namunaviy loyihalar asosida 6 sotixlik uchastkada joylashgan 3 xonali uyda oilaviy maktabgacha taʼlim tashkiloti tashkil etgan yakka tadbirkor Safarboy Annamuradov ham hududdagi koʻpchilik ota-onalarning olqishiga sazovor boʻldi. Chunki farzandlaridan xotirjam boʻlgan odamgina ish kunini unumli oʻtkazadi. Ushbu tashkilotga ham 25 nafar bolajonlar qamrab olinib, 3 ta yangi ish oʻrni yaratildi.
Ushbu maktabgacha taʼlim tashkilotlarining ishga tushurilishiga bagʻishlangan tantanada tuman hokimi oʻrinbosarlari Alisher Yoʻldoshev, Jasur Norimovlar tuman maktabgacha taʼlim boʻlimi mudirasi Saida Sadiqova va mahalla fuqarolar yigʻini masʼullari, ota-onalar ishtirok etdi. Mehmonlar yangi tashkilotlarda tarbiyalanuvchilar uchun yaratilgan sharoitlar bilan tanishib, yuqori baho berdilar.
Chindan-da yosh avlod kelajagi yoʻlida qilingan har qanday ezgu ish eʼtiroflarga loyiqdir.
O.PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
