“UzWaterAware” loyihasi doirasida tadbir oʻtkazildi

Suv tabiatning bebaho inʼomidir, suvsiz yer yuzida hayot boʻlmaydi. Suv bor ekan, oʻsimliklar dunyosi, hayvonot olami va biz – insonlar tirikmiz. Shunday ekan suvni isrof qilmaslik, suv resurslaridan toʻgʻri foydalanish, ayniqsa ichimlik suvini tejab ishlatish barchamizing masʼuliyatli burchimizdir.

Shu maqsadda mamlakatimizda “UzWaterAware” loyihasi aʼzolari tomonidan targʻbot tadbirlari oʻtkazilmoqda. Shunday tadbirlardan biri 4-dekabr kuni tumanimizdagi 9-sonli maktabda boʻlib oʻtdi. Tadbirda Markaziy Osiyo mintaqaviy ekologiya markazining Oʻzbekiston filiali hamda Qoraqalpogʻiston Pespublikasi Vazirlar Kengashi raisining ekologiya va Orolboʻyi xududini rivojlantirish masalalari boʻyicha birinchi oʻrinbosari Jusipbek Kazbekov ishtirok etdi.

Shu oʻrinda aytish kerakki, UzWaterAware, yaʼni “Oʻzbekistonda suv masalalaridan xabardorlik” loyihasi Yevropa Ittifoqining “Oʻzbekistonning qishloq joylarida suv resurslarini barqaror boshqarish” dasturining bir qismidir.

Loyiha doirasida yurtimizda rasm va insholar tanlovi hamda eko-darslar tashkil qilinmoqda. Bunday tadbirlarni oʻtkazilishidan maqsad – maktab oʻquvchilari, ularning ota-onalari va pedagoglari eʼtiborini suvdan oqilona foydalanish va ekologiya muammolari mavzusiga qaratishdir. Xususan, loyiha doirasida tumanimizdagi 9-sonli maktabda oʻtkazilgan tadbirda maktabning kichik va yuqori sinf oʻquvchilari uchun suv resurslari va ulardan ratsional foydalanish mavzusida interaktiv eko-darslar tashkil etildi.

Tadbirda taʼklanganidek, suv bu obi – xayotdir. Suv eng koʻp isteʼmol qilinadigan inson xayoti uchun zarur tabiiy moddadir. Kundalik ehtiyojimizda suvning oʻrni beqiyos, chunki ovqat tayyorlash, kiyimlarni tozalash, badanni poklash va boshqa koʻplab ishlarimizni suvsiz tasavvur qilib boʻlmaydi.

Kurrai zaminimizning uchdan ikki qismi suvlik bilan qoplangan boʻlishiga qaramay faqatgina yer yuzida mavjud suv zaxiralarining 2-3 foizigina chuchuk suv boʻlib, isteʼmolga yaroqlidir. Shu sababli xozirda insoniyatni ichimlik suvi yetishmasligi muamosi tashvishga solmoqda.

Suv xayotimiz manbai ekan, uni asrab-avaylash ham oʻz zimmamizdadir. Suvni tejab ishlatish, suv jumraklarini ochiq qoldirmaslik, oqava suvlarga axlat va boshqa narsalarni tashlamaslik, suvga tushgan narsalarni olib tashlash, hovuz va buloqlarni tozalab, ichimlik suvlarini ehtiyot qilish barchamizning insoniy burchimzdir.

Aytib oʻtish joizki, mazkur loyiha hamkori Oʻzbekiston Pespublikasi Suv xoʻjaligi vazirligidir. Shuningdek, tadbirda loyihaning asosiy maqsadi, vazifalari, yoʻnalishlari yuzasidan ham keng tushunchalar berildi.

Taʼkidlanganidek, loyihaning asosiy vazifasi – davlat idoralari, suv-ekologik masalalari bilan shugʻullanuvchi nodavlat-notijorat tashkilotlari, yoshlar va bolalar tashkilotlari hamda ommaviy axborot oʻrtasidagi oʻzaro hamkorlikni kuchaytirishdir. Maktabda loyiha doirasida oʻtkazilgan “Suvni hurmatlang!” nomli tadbir oʻquvchilarni suvdan oqilona foydalanish va unga toʻgʻri munosabatda boʻlishga chorladi.

Charos Arslonova, tuman hokimligi axborot xizmati rahbari