OʻzMTDP tuman Kengashi tomonidan deputatlikka nomzodlar ishtirokida seminar-trening oʻtkazildi
Saylovlar demokratik huquqiy davlatning ajralmas belgisi, xalqimizning oʻz xohish-irodasini bildirishi, fuqarolarning davlat va jamiyat ishlaridagi ishtirokining asosiy shaklidir. Oʻzbekistonda amalga oshirilgan bosqichma-bosqich va izchil islohotlar samarasida eng yuksak demokratik talablar va umumeʼtirof etilgan xalqaro standartlarga mos, Saylov kodeksida mustahkamlangan har kimning davlat hokimiyati vakillik organlariga saylash va saylanish huquqini taʼminlaydigan saylov tizimi yaratildi.
Oʻzbekistonda davlat hokimiyatining vakillik organlariga — Oliy Majlisga va xalq deputatlari mahalliy kengashlariga boʻlib oʻtadigan saylovlarga oz fursat qoldi. Barcha siyosiy partiyalar qatori Oʻzbekiston «Milliy tiklanish» demokratik partiyasi ham bu jarayonga qizgʻin hozirlik koʻrmoqda. Davlat hokimiyatining vakillik organlariga boʻlib oʻtadigan navbatdagi saylovlarda nafaqat ishtirok etish, balki gʻolib chiqish OʻzMTDP uchun ham katta ahamiyat kasb etmoqda. Shuning uchun barcha darajadagi partiya tashkilotlarining asosiy faoliyati boʻlajak saylovlarda eng oldingi qatorda boʻlish masalasiga qaratilmoqda.
23-noyabr kuni tuman hokimligining kichik majlislari zalida OʻzMTDP tuman Kengashi tomonidan Xalq deputatlari tuman Kengashiga koʻrsatilgan nomzodlarning siyosiy bilimlarini yanada mustahkamlash maqsadida “Deputatlikka nomzodlarning saylovoldi tashviqotini samarali tashkil etishning dolzarb masalalari” mavzusida seminar-trening tashkil etildi. Unda deputatlikka nomzodlar saylovga oid mavzularda maʼruzalar tinglab, bilimlarini yanada boyitdilar.
Oʻquv-seminar davomida deputatlikka nomzodlarga saylov jarayonlariga tayyorgarlik, saylovoldi tashviqotini olib borishda partiya tashkilotlari bilan hamkorlik qilishi borasida keng tushunchalar berildi. Shuningdek, notiqliq mahoratini oshirish, ijobiy imijni yaratish va nomzodlarning ishonchli vakillari bilan muntazam ishlash kabilar boʻyicha amaliy mashgʻulotlar oʻtkazildi. Mashgʻulotlar davomida siyosiy partiyalarning saylov kampaniyasidagi ishtiroki, saylov kampaniyasi taktikasi, nomzodlarning saylovoldi dasturini ishlab chiqish, partiya va nomzodlar imijini shakllantirish yoʻllari, usullari xususidagi fikr-mulohazalar ham tinglandi.
Deputatlikka nomzodlar ushbu seminar-treningda “Saylov kodeksi”ning mazmun-mohiyati va saylovga oid bilimlarini yana bir bora mustahkamlab oldilar. Ayniqsa, nazariy maʼlumotlarning amaliyot bilan bogʻlab borilgani ishtirokchilar uchun nihoyatda muhim ahamiyat kasb etdi.
G.Eshimbetova, Oʻzbekiston «Milliy tiklanish»
demokratik partiyasi tuman Kengashi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
