Bojxona qömitasi Raisi Qoraqalpoğiston Respublikasi tadbirkorlari bilan oçiq muloqot ötkazdi

Sönggi yillarda Qoraqalpoğiston Respublikasi iqtisodiyotida kuzatilayotgan şiddatli özgarişlar va tadbirkorlik muhitidagi faollik bugungi kunda mintaqaning eksport salohiyatini yangi bosqiçga olib çiqmoqda. Bu jarayonda davlat va biznes vakillari örtasidagi töğridan-töğri muloqotlar muhim ahamiyat kasb etib, tadbirkorlarni öylantirayotgan muammolarga joyida yeçim topiş imkonini bermoqda. Xususan, Özbekiston Respublikasi Bojxona qömitasi raisi Akmalxöja Mavlonov hududda faoliyat yuritayotgan işbilarmonlar bilan bevosita uçraşiş hamda ular bilan samimiy muloqot örnatiş maqsadida Nukus şahridagi “Oq quş” majmuasida kengaytirilgan oçiq muloqot ötkazdi. Uçraşuvda Qoraqalpoğiston Respublikasi Jöqorği Kengesi Raisi Amanbay Orinbayev, tegişli vazirlik va idoralar rahbarlari, şuningdek, mintaqa iqtisodiyotining asosiy harakatlantiruvçi kuçi bölgan köplab tadbirkorlar iştirok etdi.

Tadbir avvalida Bojxona qömitasi raisi bu kabi yuzma-yuz uçraşuvlar butun Özbekiston böylab tizimli ravişda ötkazilayotganini taʼkidlab, bu galgi maqsad Qoraqalpoğiston hududida tadbirkorlik sohasida yuzaga kelayotgan masalalarni çuqur örganiş, ularni hal qiliş çoralarini köriş hamda taşqi savdo faoliyatini yanada takomillaştiriş böyiça ilgari surilgan takliflarni eşitiş ekanligini bildirdi.

Muloqot davomida qoraqalpoq xalqining mehnatkaşligi va tadbirkorligi natijasida hudud iqtisodiyotida ulkan yutuqlarga erişilayotgani alohida eʼtirof etildi. Raqamlarga eʼtibor qaratadigan bölsak, bundan 8-yil oldin sanoat mahsulotlarining bor-yöği 4 foizi eksportga yönaltirilgan bölsa, hozirgi kunga kelib uşbu körsatkiç 30 foizga yetgan. Umumiy eksport hajmi ham 3,5 karra oşib, 2,1 mlrd dollarni taşkil qilgani sohadagi islohotlarning amaliy natijasidir. Kelgusi 5-yil içida esa sanoat va xizmatlar sohasida umumiy qiymati 7,2 mlrd dollarga teng bölgan yirik loyihalarni amalga oşiriş rejalaştirilgan.

Eslatib ötiş joizki, davlatimiz rahbarining joriy yil fevral oyida bölib ötgan yiğilişida barça imkoniyatlarni işga solgan holda Qoraqalpoğiston böyiça sanoat, xizmatlar va turizm eksportini 900 mln dollarga yetkaziş muhimligi, bu körsatkiç 2025-yilda 435 mln dollarni taşkil etişi kutilayotgani taʼkidlangan edi. Şuningdek, uşbu hududga kiritilayotgan töğridan-töğri xorijiy investitsiyalar hajmini 2,5 barobarga oşiriş, yaʼni 2025-yilda 2,5 mlrd dollarga yetkaziş zarurligi qayd etilgan.

Yaratilgan bunday keng imkoniyatlar va qulay şart-şaroitlar tufayli ötgan yilning özida Qoraqalpoğistonning tovarlar taşqi savdo aylanmasi 737 mln dollarni taşkil etdi. Mintaqadagi çegara bojxona postlari orqali esa 163 mingdan ortiq transport vositalari va 1,5 mln atrofidagi fuqarolarning harakatlanişi taʼminlandi.

Tadbirda taşqi iqtisodiy faoliyat iştirokçilari, yirik eksportyorlar va mahalliy işlab çiqaruvçilarning faoliyati davomida yuzaga kelayotgan tösiqlar va yangi takliflar qizğin muhokama qilindi. Oçiq va konstruktiv ruhda ötgan muloqot davomida tadbirkorlar tomonidan bojxona rasmiylaştiruvi jarayonlarini soddalaştiriş, eksport-import operatsiyalarini jadallaştiriş, logistika xizmatlarini yaxşilaş, infratuzilmani rivojlantiriş hamda hududdagi işbilarmonlik muhitini yanada takomillaştirişga qaratilgan köplab murojaatlar örtaga taşlandi. Mutasaddi rahbarlar har bir murojaatni atrofliça va çuqur körib çiqib, ularning aksariyati yuzasidan şu yerning özida amaliy yeçimlar belgiladilar. Ayrim masalalar joyida öz yeçimini topgan bölsa, qöşimça vaqt va örganiş talab etuvçi murojaatlar böyiça tegişli masʼul taşkilotlarga aniq vazifalar yuklatildi.

Tadbir doirasida tovarlar taşqi savdosini amalga oşiriş yönalişida 2025-yilning yakunlari böyiça eng yuqori körsatkiçlarga erişgan va mintaqa iqtisodiyotiga munosib hissa qöşgan bir guruh ilğor tadbirkorlar Bojxona qömitasi raisi tomonidan turli nominatsiyalar böyiça tantanali ravişda taqdirlandi. Jumladan, eng yaxşi eksportyor nominatsiyasi böyiça “Qönğirot soda zavodi” qöşma korxonasi rahbari Şuhratjan Şamuratov, “Bojxona hududida eng yaxşi qayta işlovçi” yönalişida “Xöjayli un” korxonasi rahbari Yusufbek Karimov, eng intizomli taşqi iqtisodiy faoliyat iştirokçisi sifatida “Lan Extrakt” masʼuliyati çeklangan jamiyati rahbari Murat Gaipovlar taqdirlandi.

Şuningdek, “Eng yaxşi ayol tadbirkor” nominatsiyasida “Nukus kun qurilish” korxonasi rahbari Ayimxan Saparova eʼtirof etilgan bölsa, “Eng yaxşi bojxona tölovlari tölovçisi” sifatida “Uz-Kor Gas Chemical” jamiyati rahbari Umidjan Israilov taqdirlandi. Bundan taşqari, tadbir davomida “Atiyaj-Gulzar” masʼuliyati çeklangan jamiyatiga Bojxona qömitasi tomonidan “Vakolatli iqtisodiy operator” maqomi berilganligi munosabati bilan maxsus guvohnoma topşirildi.

Tadbirkorlar bilan bunday oçiq va samimiy muloqotlarni muntazam ravişda taşkil etiş, ularni qiynayotgan muammolarni tezkorlik bilan hal qiliş va biznes yuritiş uçun yanada qulay şart-şaroitlar yaratiş butun mamlakat iqtisodiyotini rivojlantirişning eng muhim va strategik omillaridan biri hisoblanadi. Bölib ötgan uşbu uçraşuv yakunida biznes vakillari tomonidan bildirilgan barça taklif va taşabbuslarni hayotga tatbiq etiş böyiça istiqbolli çora-tadbirlar dasturi belgilab olindi.