Ózbekistan Respublikası Konstituttsiyasınıń qabıl yetilgenine 25-jıl tolıwı múnásibeti menen Ózbekistan mámleketlik mekemeler xám jámiyetlik xızmet kórsetiw xızmetkerleri kásiplik awqamı Nókis qalalıq Keńesiniń shólkemlestiriwinde Nókis qalasında jaylasqan 14 bank hám Qaraqalpaqstan Respublikası Qaznashılıq basqarması, Qaraqalpaqstan Respublikası májbúriy orınlaw byurosı, Qaraqalpaqstan Respublikası inkassatsiya basqarması xızmetkerleri arasında sporttıń kishi futbol túri boyınsha jarıs ótkerildi. Jarısqa jámi 208 xızmetker qatnasıp, óz-ara bellesti.
Birinshi hám yekinshi basqısh nátiyjeleriniń juwmaqları boyınsha «Asaka bank», «Xamkor bank», Oraylıq bank, «Agro bank», Qaznashılıq basqarması, Qaraqalpaqstan Respublikası májbúriy orınlaw byurosı, İnkassatsiya basqarmasınıń yeki komandaları óz-ara bellesip, final basqıshında «Agrobank», Oraylıq bank, İnkassatsiya basqarmasınıń yeki komandası birinshilik ushın oyınǵa tústi.
Qızǵın bellesiwlerge bay bolǵan jarıs juwmaǵında jeńimpazlar anıqlandı. Qaraqalpaqstan Respublikası inkassatsiya basqarması xızmetkerleri 1-orın, «Agrobank» Qaraqalpaqstan filalı xızmetkerleri 2-orın, Qaraqalpaqstan Respublikası Oraylıq banki xızmetkerleri sıylı 3-orındı iyeledi.
Sonday-aq, oyın juwmaǵında «Yeń jaqsı dárwazaman», «Yeń jaqsı oyınshı», «Yeń kóp top urar» nominatsiyaları boyınsha jeńimpazlar anıqlanıp, olar shólkemlestiriwshiler tárepinen kubok, medal hám qımbat bahalı sawǵalar jáne diplomlar menen sıylıqlandı.
Qaraqalpaqstan xabar agentligi
▶