Президент аўыл хожалығының раўажланыўына үлкен үлес қосқан пуқараларды сыйлықлады

9-декабрь күни Ташкенттеги “Ўзбекистон” халық аралық әнжуманлар сарайында Аўыл хожалығы хызметшилери күнине арналған салтанатлы жыйналыс болып өтти. Бул ҳаққында ЎзА хабар берди.

Мәмлекет Президентиниң баспасөз хызмети хабар бериўинше, илажда Президент Шавкат Мирзиёев усы байрам қарсаңында аграр тараўда үлкен жетискенликлерге ерискен, Өзбекистан аўыл хожалығының раўажланыўына салмақлы үлес қосқан, бул бағдарда өзине жараса мектеп жаратқан пидәйи пуқаралардан бир топарын Ўатанның жоқары дәрежедеги сыйлықлары менен сыйлықланғанын жәриялап, оларды салтанатлы жағдайда өз ийелерине тапсырды.