"Жайхун садоси" радиосини тингланг!
Валюталар курслари
  • 1 USD = 8146.38 +9.33
  • 1 EUR = 9965.47 +189.60
  • 1 RUB = 143.97 +0.63

Донолар суҳбати

Умр дафтари

Фаридун фарзанди учун қоғозга қуйидаги сўзларни ёзди: «Ҳаёт варақлари киши амалининг саҳифаларидир. Унга энг яхши ишларгина ёзиб қолдирилади».

 

Сабрнинг хосияти

Бир донишмандга аёли фақирликларидан шикоят қилди. У жавоб берди:

– Сабр қил. Олдинда шундай бир чўққи борки, унга фақат юки енгилларгина чиқа оладилар.

Куёв танлови

Бир донишманднинг ёлғиз қизига бир бой ва бир ночор хонадондан совчи келибди. У эса қизини камбағал йигитга берибди. Дўст-у яқинлари:

– Нега бундай қилдинг? – деб танбеҳ беришса, шундай дебди:

– Бадавлат йигитнинг эси пастроқ кўринади, ҳадемай у мол-дунёсидан ажралиб қолиши мумкин. Камбағал йигит эса ақлли ва ғайратли экан – бундай одам сира кам бўлмайди.

 

Ҳасад ва ғийбат

Бир шогирд устозига шикоят қилди:

– Фалон киши мени кўролмайди – ҳасаднинг зўридан тарс ёрилиб кетай дейди.

Устози бунга жавобан деди:

– Хўш, ҳасад-ку ёмон экан, лекин ким сенга ғийбат яхши деб айтди?! Бошқаларни ёмонлаган киши сени ҳам бировга яхши демайди.

(Фото - http://fikr.uz)

Янгиликни бўлишинг: