"Жайхун садоси" радиосини тинглаб, мутолаа қилинг!

Янгиликборми?

ҚУТЛУҒ КУНДА ЭЗГУ НИЯТЛАР БИЛАН

30-март 2017 йил, 12:43. Ўқилди: 786 марта

Юртимизда Наврўзи олам кенг нишонланаётган шу кунларда туманимиз деҳқонлари яхши ниятлар билан, мўл ҳосил умидида тупроққа уруғ қадашди. Шу муносабат билан туманнинг "Холимбег” овулидаги "Ғофур тракторчи” фермер хўжалиги даласида кўргазмали семинар бўлиб ўтди.

Семинарда Қорақалпоғистон Республикаси Жўқорғи Кенгеси Раиси Муса Ерниязов, Республика қишлоқ ва сув хўжалиги вазирлиги вакиллари, туманимиз ҳокими, туманда фаолият юритаётган фермер хўжаликлари раҳбарлари, қишлоқ хўжалигига хизмат кўрсатувчи муассаса, корхона ва ташкилотлар раҳбарлари иштирок этдилар.

Семинарда экиш мавсумини тўғри ташкил этиш, техникадан унумли фойдаланиш, мавсумни тез ва сифатли якунлаш борасида фикр алмашилди. Бу йил тумандаги 507 фермер хўжалигининг 15 минг 850 гектар майдонига чигит экиш режалаштирилган.

Экиш мавсумига пухта ҳозирлик кўрилди. Мавжуд техникалар 60 отрядга бириктирилиб, уларни унумли ишлатиш учун барча шароит яратилди, техникаларга хизмат кўрсатиш учун кўчма устахоналар дала бошига чиқарилди.

Чигит экиш мавсумининг бошланишига бағишланган кўргазмали семинарда фермерлар дала атрофига полиз экинларини экиш, парранда, балиқ ва қуён парваришлаш бўйича ҳам тажриба алмашди. Семинарда Қорақалпоғистон Республикаси Жўқорғи Кенгеси раиси Муса Ерниязов сўзга чиқди.

Туман ҳокимлигининг ахборот хизмати.

Фикрингиз
Бош саҳифа Орқага
Тепага чиқиш