"Жайхун садоси" радиосини тингланг!
Валюталар курслари
  • 1 USD = 8584.5 +5.64
  • 1 EUR = 9673.87 +44.65
  • 1 RUB = 136.34 +1.48

“ОЛМАЗОP” МАҲАЛЛАСИДА НАМУНАВИЙ ЛОЙИҲАЛАP БЎЙИЧА ҚУPИЛГАН 32 ТА АPЗОН УЙ-ЖОЙЛАP ФОЙДАЛАНИШГА ТОПШИPИЛДИ(Видео)

Аҳоли, айниқса, уй-жойга муҳтожлар ва ёш оилаларни турар-жой билан таъминлаш, ҳар томонлама қулай, замонавий ва намунавий лойиҳадаги уйларни қуриш орқали уларга кўпроқ енгиллик яратиб бериш доимий эзгу ишга айланмоқда. Фойдаланишга топширилаётган уй-жойларда халқимизнинг қадрият ва анъаналари ҳисобга олинганлиги, фаровон яшашлари учун барча имкониятлар яратилганлиги бундай хонадонларга эга бўлаётган аҳолини беҳад мамнун қилмоқда.

“Олмазор” маҳалласида 15 июнь куни “Кўна қалъа Манғит” масъулияти чекланган жамияти томонидан намунавий лойиҳалар бўйича қурилган 32 та арзон уй-жойлар ўз эгаларига фойдаланишга топширилди. Тадбирда туман ҳокими С.Йўлдашев, туман Халқ қабулхонаси мудири Э.Pажабов, ҳоким ўринбосарлари, маҳалла раиси, пудратчи корхоналар ва бошқа қурилиш ташкилотлари раҳбар ҳамда масъул ходимлари қатнашдилар.  Очилиш маросимида сўзга чиққанлар дастлаб хонадон соҳибларини янги уйга эга бўлишгани билан қизғин табриклашди ҳамда мамлакатимизда янги уй-жойлар қуриш ҳисобига аҳолининг ҳаёт даражаси ва сифатини ошириш борасида олиб борилаётган ишлар хусусида тўхталиб ўтишди. Янги уйлар эгалари ушбу кўркам яшаш жойлари оилаларнинг фаровон ҳаёт кечириши учун барча зарур шароитлар билан таъминлангани ҳақида гапириб, миннатдорчилик билдирдилар. Шундан сўнг, меҳмонлар янги уйларда яратилган шароитлар билан яқиндан танишиб чиқдилар.

Президентимиз раҳнамолигида мамлакатимиз бўйлаб амалга оширилаётган бундай эзгу ишлар барчага хурсандчилик бағишлаш билан бирга, эртанги кунга ишончни мустаҳкамламоқда.


О.Худойберганова.

 

Янгиликни бўлишинг: