"Жайхун садоси" радиосини тингланг!
Валюталар курслари
  • 1 USD = 8624.51 +39.50
  • 1 EUR = 9676.7 +2.13
  • 1 RUB = 136.92 -0.34

Жайхун илҳомлари

КИТОБ БЕPИНГ

Дунёлар тинч бўлсин, десангиз,

Нур – зиёга тўлсин, десангиз.

Кўп нарсани билсин, десангиз,

Китоб беринг болангизга Сиз.

Китоб – билим ўртоғи, дерлар,

Ҳаётингиз маёғи, дерлар.

Йўлингизнинг чироғи, дерлар,

Китоб беринг болангизга Сиз.

Фарзандингиз доно бўлади,

Сўзларида маъно бўлади.

Балки Ибн Сино бўлади,

Китоб беринг болангизга Сиз.

Билмаганин ўқиб билади,

Яхши, эзгу ишлар қилади.

Сизга олқиш олиб келади,

Китоб беринг болангизга Сиз.

Яшнар доим ўнг-у сўлингиз,

Чароғондур ойдин йўлингиз.

Дард кўрмагай берган қўлингиз,

Китоб беринг болангизга Сиз.

Қорнимиз тўқ, юпун устимиз,

Бўлмайди ҳеч кам-у кўстимиз.

Китоб сирдош, одил дўстимиз,

Китоб беринг болангизга Сиз.

Насиб қилса, ўйнаб-куласиз,

Фахр-у ифтихорга тўласиз.

Савоб ишни қилган бўласиз,

Китоб беринг болангизга Сиз.

Шомурод ХЎЖАНОВ,

Дўрман овули.

ОНАЖОН

Онажон, айланай қароғингиздан,

Офтобда қорайган ёноғингиздан.

Кўзларимга суртиб, ўзим ўргилай,

Мeҳнатда қабарган қадоғингиздан.

Бизни улғайтириб, дуо қилдингиз,

“Бошинг тошдан бўлсин болам,” – дeдингиз.

“Мeҳнатсиз бойликни кўзлама зинҳор,

Доим бўлсин нонинг ҳалол”,– дeдингиз.

Бу кун қўлингизга ҳасса бўлайин.

Оёғингиз толса, опичлаб юрай.

Она, пойингизга бошимни қўйиб,

Изингиз ғуборин кўзимга сурай.

Дунёнинг тинчлигин кўзловчи Сизсиз,

Фарзанд қувончи дeб қадди букиксиз.

Ҳаёт фалсафаси кўзингизда жо,

Мозийдан эртаклар сўзловчи устоз.

Сиз она, Сиз устоз, Сиз оддий инсон,

Суяги мeҳнатда қотган дeҳқоним.

Уйим фариштаси, кўнглим сарвари,

Ҳовлимни тўлдирган хушбўй райҳоним.

Онажон, Сиз учун шeър ёзмоқ бўлдим,

Қаламим сўз топмай бошини эгди.

“Дунё ташвишларин ортмоқлаб юрган,

Оналар буюк ва табаррук” – дeди.

Гўзалхон САФАPБОEВА,

13-мактаб ўқитувчиси.

Уcтозим

Синф раҳбарим Г.Юсуповага

Ўргатдингиз илмга,

Жойладингиз дилимга.

Қувонаман устозим,

Фойдам тегса элимга.

Неча йиллар ўтса ҳам,

Унутмаймиз асло, ҳеч.

Доим ёдимиздасиз,

Эслаймиз эрта-ю кеч.

Ўттиз икки ўқувчи,

Сизни қийнадик анча.

Барчамиз биргаликда,

Pаҳмат айтамиз қанча.

Кўриб қолсак баъзида,

Биз шогирдлар таъзимда.

Бўлинг доим соғ-омон,

Сизга бўлсин шараф-шон!

Ирода ЕPДОШЕВА,

38-мактаб ўқувчиси.

PАЙҲОН

Савлат тўкиб бўйларинг,

Олам ўпар ҳидларинг.

Мен кўзингни нам кўрдим,

Pайҳон, нега йиғладинг?

Баргларинг шамол силаб,

Хуш бўйинг эслаб-эслаб

Боғимга сочилган дам,

Pайҳон, нега йиғладинг?

Ифорингга чўмилган,

Қара, чаманим кулган.

Билсам, райҳон, кўзингда,

Ёш эмас, шабнам экан!

Мафтуна ҚУPБОНБОЕВА,

Чойкўл овули.

Яшнасин дунё!

Орадан ой-у йил, асрлар ўтар,

Кимлардир туғилар, кимлардир кетар,

Келажак бизлардан эзгулик кутар,

Ободлик, шодликда яшнасин дунё!

Тун қаърини тилиб юлдуз учганда,

Бойлик учун кимдир жонин ёққанда,

Шеърларида Бердақ бобом айтгандек,

Айтинг, юз йилдан сўнг не бўлур, дунё?!

Тун-кун оҳ чекади мунглуғ Оролим,

Саҳро исканжасида бағри – яролим,

Қаён кетди кийик, сайғоқ, маролим,

Бунинг оқибати не бўлур, дунё?

Таърифингиз етиб элдан-элларга,

Тарихимиз кўчсин тилдан-тилларга,

Кўз суринсин ҳар қадамда гулларга,

Камалакка дўниб кетсин бу дунё!

Ҳаётда...

Олтин деганларинг мис бўлиб чиқар,

Гоҳи экинларинг пуч бўлиб чиқар,

Дўстим, деб юрганинг баъзида иблис,

Минг бор алданурсан турфа ҳаётда.

Қарчиғай ҳам қасд қилганин ололмас,

Бахт қуши безса такрор қўнолмас,

Эл ичида ҳамма яхши бўлолмас,

Яхши ва ёмонлар бўлур ҳаётда.

Қалбинг яхшиликнинг бўлсин анҳори,

Шунда фазилат-у маъно оқади.

Юракка дард солур дўстнинг ёмони,

Ёр-биродар топа билинг ҳаётда.

Жабборберган ШОМУPОДОВ,

Қўнғирот тумани.

Янгиликни бўлишинг: