"Жайхун садоси" радиосини тингланг!
Валюталар курслари
  • 1 USD = 8039 +176.83
  • 1 EUR = 9347.75 +265.41
  • 1 RUB = 118.05 +5.41

Халқ депутатлари Амударё туман Кенгашининг 50-сессияси тўғрисида АХБОPОТ

2018 йил 2 июль куни халқ депутатлари туман Кенгашининг 50-сессияси бўлиб ўтди. Сессия ишида туман Кенгаши депутатлари, туман ҳокими ўринбосарлари, ҳокимлик масъул ходимлари, ҳуқуқ-тартибот органлари, бўлимлар, тижорат банклари, жамоат ташкилотлари раҳбарлари, фуқаролар йиғинлари оқсоқоллари ҳамда оммавий ахборот воситалари вакиллари иштирок этди.

Сессия котиблигига 17-Бўзёп сайлов округидан туман Кенгаши депутати Гуласал Матякубова сайланди.

Сессия кун тартибига қуйидаги масалалар ҳавола қилинди:

1. Ўзбекистон Pеспубликаси Президентининг 2017 йил 13 декабрдаги “Маҳаллий давлат ҳокимияти органларининг молиявий эркинлигини ошириш, маҳаллий бюджетларга тушумларнинг тўлиқлигини таъминлаш бўйича солиқ ва молия органлари жавобгарлигини кучайтиришга оид қўшимча чора-тадбирлар тўғрисида”ги ПФ-5283-сонли Фармонида белгиланган вазифаларнинг ижроси  тўғрисида.

2. Тумандаги фермер хўжаликларининг ер участкаларидан фойдаланиш самарадорлиги тўғрисида туман ҳокимининг қишлоқ ва сув хўжалиги масалалари бўйича ўринбосарининг ҳисоботи ҳақида.  

3. Туманда фермер, деҳқон хўжаликлари ва томорқа ер эгалари фаолиятини янада ривожлантириш бўйича амалга оширилаётган ишлар тўғрисида туман фермер, деҳқон хўжаликлари ва томорқа ер эгалари Кенгаши раисининг ахбороти ҳақида.

Кун тартибидаги биринчи масала юзасидан туман ҳокимининг иқтисодиёт ва тадбиркорликни ривожлантириш масалалари бўйича биринчи ўринбосари М.Темирбаев, ҳокимнинг инвестициялар, инновациялар, хусусийлаштирилган корхоналарга кўмаклашиш ва кичик саноат зоналари ва туризмни ривожлантириш масалалари бўйича ўринбосари P.Салаев, туман молия бўлими бошлиғи У.Бекниязов ва давлат солиқ инспекцияси раҳбарлари Б.Камаловларнинг ҳисоботлари эшитилди.

Ҳисоботлар юзасидан туман Кенгашининг маҳаллий бюджетни шакллантириш ва уни ижро этиш, иқтисодий ислоҳотларни амалга ошириш ҳамда тадбиркорликни ривожлантириш масалалари бўйича доимий комиссияси раиси Муқаддас Бекназарова, Кенгашнинг ижтимоий – маданий ривожланиш ҳамда ёшлар сиёсати ва соғлом авлодни тарбиялаш масалалари  бўйича доимий комиссияси раиси Ширин Янгибаева ҳамда депутат Нилуфар Давлетовалар саволлар билан мурожаат қилиб, тегишли жавоблар олди.

Сессияда туман ҳокимининг қишлоқ ва сув хўжалиги масалалари бўйича ўринбосари Анвар Юлдашев тумандаги фермер хўжаликларининг ер участкаларидан фойдаланиш самарадорлиги тўғрисида  масала юзасидан ҳисобот берди.

Туман Кенгаши депутатлари Улуғбек Уразбаев, Кенгашининг аграр, сув хўжалиги масалалари ва экология бўйича доимий комиссияси раиси Илхом Полванов ва бошқалар фикр-мулоҳазалари ва саволлар билан иштирок этди.

Сессия кун тартибидаги навбатдаги масала – туманда фермер, деҳқон хўжаликлари ва томорқа ер эгалари фаолиятини янада ривожлантириш бўйича амалга оширилаётган ишлар юзасидан туман фермер, деҳқон хўжаликлари ва томорқа ер эгалари Кенгаши раиси Файзулла Садуллаев ахборот берди.

Ахбортчи шунингдек, Қангли овул фуқарлар йиғини раиси Улуғбек Алламбергенов, туман Кенгаши депутатлари Аширбой Қўшаев ва Гулмирза Бабажановларнинг мавзу юзасидан берган саволларига жавоб берди.

Шунингдек, сессияда туман Кенгаши ваколатига кирувчи бошқа масалалар ҳам муҳокама қилинди.

Кун тартибидаги барча масалалар бўйича билдирилган таклиф, фикр ва мулоҳазалар инобатга олинган ҳолда тегишли қарорлар қабул қилинди. Шунинг билан сессия ўз ишини якунлади.

Ғ.Ешниёзов

Янгиликни бўлишинг: