"Жайхун садоси" радиосын онлайн еситиӊ!
Валюталар курслары
  • 1 USD = 7787.81 -26.42
  • 1 EUR = 9100.06 -76.86
  • 1 RUB = 124.54 -0.19

Қанлыкөлде еки балаға еситиў аппараты менен дәри-дәрманларын алыўда жәрдем көрсетилди

Өзбекистан Pеспубликасы Президентиниң 2017-жыл 12-сентябрь күнги «Халықтың кем тәмийинленген қатламын қоллап-қуўатлаўдың қосымша ис-илажлары ҳаққында»ғы ПҚ-3268-санлы қарарына муўапық, район ҳәкимлиги, «Мәҳәлле» қайырқомлық жәмийетшилиги фонды ҳәмде кәсиплик аўқамлары шөлкемлери менен район аймағындағы кем тәмийинленген, социаллық қорғаўға мүтәж қатламын материаллық ҳәм руўхый жақтан жақтан қоллап-қуўатлаў, жәмийетте өз-ара дослық, татыўлық, меҳир-ақыбет ҳәм кеңпейиллик орталығын жәнеде беккемлеў бойынша қайырсақаўатлық илажлары әмелге асырылмақта.

Қайырсақаўатлық илажлары негизинде, аймақларды үйрениў барысында анықланған мүтәжликлери тийкарында, Қанлыкөл районында кем тәмийинленген шаңарақларға хожалық буйымлары берилген болса, район аймағындағы 6 оқыўшы жасларға мәнзилли медициналық жәрдемлер көрсетилиўи белгиленди.

Бүгинги күнде «Қанлыкөл» аўыл пуқаралар жыйыны аймағында жасаўшы Турсынгүл Исламбаеваға 4 млн сўмлық еситиў аппараты, «Жайҳун» аўыл пуқаралар жыйыны аймағында жасаўшы Алишер Pеймовқа емлениўи ушын 4 млн сўмлық мәнзилли медициналық дәри-дәрманлары берилди.

Бундай қайырсақаўатлық илажлары район аймағында даўам етпекте.

Жаӊалықларды бөлисиӊ!: