"Жайхун садоси" радиосын онлайн еситиӊ!
Валюталар курслары
  • 1 USD = 8249.97 +12.13
  • 1 EUR = 9392.59 +1.14
  • 1 RUB = 124.67 -1.19

Қанлыкөл районында «Ўатан қорғаўшылар күни»не арналған үгит-нәсият илажы болып өтти

Қанлыкөл районы 19-санлы Балалар музыка ҳәм көркем өнер мектебинде, 14-январь «Ўатан қорғаўшылар күни» ҳәм Өзбекистан Pеспубликасы Қураллы күшлериниң дүзилгенлигиниң 26 жыллығына арналған үгит-нәсият илажы болып өтти.

Өзбекистан ғəрезсизликке ерискеннен кейин биринши Президентимиз И.А.Каримов көрсеткен принципиал позициясы, сиясий искерлиги себепли, миллий армиямызға тийкар салынып, 1992 жыл 14-январь күни елимизде жайласқан барлық əскерий структуралар Өзбекистан Pеспубликасының ҳуқықый қарамағына өткерилип 26 жылдан берли тарийхый күн сыпатында белгиленип келинбекте.

Бүгинги күнде миллий армиямыз елимиздиң ғәрезсизлигин, шегераларымыздың қол қатылмаслығы, халқымыздың тыныш ҳәм татыў турмысын исенимли қорғайтуғын, мын-мынлаған улларымыз ушын шын мəнисиндеги мəртлик, пидайылық, ўатанды сүйиўшилик мектебине айланып, усы жолда ерискен ең үлкен табысларымыздан болып табылады. Бул ҳакыйкатты елимиздеги барлық ата-аналар пүткил халқымыз мақтаныш пенен миннетдаршылық пенен тән алып, аналар өз перзентлерин «Мениң улым-ҳакыйқый Ўатан қорғаўшысы болады» деген үлкен исеним ҳəм мақтаныш сезими менен Ўатан қорғаўшылар қатарында әскерий хызметке узатып салмақта.

Илажда, Өзбекистан Pеспубликасы Журналистлер дөретиўшилик аўқамының баслығы, Өзбекистан Pеспубликасы Министрлер Кеңеси жанындағы Қорғаныў ислери бойынша жәмийетлик кеңеси ағзасы С.Ҳакимов, Өзбекистан Жәҳән тиллери университети доценти P.Муйтов, «Еркин Қарақалпақстан» - «Вести Қарақалпақстана» газеталарының бас редакторы, Қарақалпақстан Pеспубликасы Министрлер Кеңеси жанындағы Қорғаныў ислери бойынша жәмийетлик кеңеси ағзасы К.Pеймов, Қарақалпақстан Pеспубликасына хызмет көрсеткен артистлери С.Узақбаев, Ж.Бекбергеновалар қатнасты.

Илаж даўамында, республикамызға белгили көркем-өнер шеберлери менен районлық көркем-өнер тараўы хызметкерлериниң концерт бағдарламасы қойып берилди.

(Фото - ЎзА)

Жаӊалықларды бөлисиӊ!: