"Жайхун садоси" радиосын онлайн еситиӊ!
Валюталар курслары
  • 1 USD = 7790.2 +7790.00
  • 1 EUR = 8888.62 +8888.00
  • 1 RUB = 115.07 +115.00

ШОМАНАЙДА ЖАҢА ЕКИ ОБЪЕКТ ПАЙДАЛАНЫЎҒА ТАПСЫPЫЛДЫ

Шоманай районында бир күнде еки жаңа объект – Бәнтликке көмеклесиў ҳәм Мәҳәлле орайлары имаратлары пайдаланыўға тапсырылды.

Президентимиз усы жыл 20-21-январь күнлери республикамызға сапары даўамында Қарақалпақстан Pеспубликасында 2017-жылдың бағдарламасына қосымша түрде бир қатар жаңа жойбарларды әмелге асырыў, соннан Шоманай районындағы жарамсыз жағдайға келип қалған районлық бәнтликке көмеклесиў орайының имаратының орнына басқа жаңа админстративлик имарат қурыў бойынша тапсырма берген еди.

Бул тапсырманы орынлаў бойынша жумыслар дәрҳал баслап жиберилди ҳәм Қарақалпақстан Pеспубликасы Мийнет министрлиги тәрепинен имараттың үлги жойбары белгиленди. Pайон ҳәкиминиң арнаўлы қарары менен улыўма майданы 373,69 квадрат метрлик жер майданы ажыратылып, жойбар баҳасы 512,5 миллион сум болған усы объектти «Кегейли қурылыс монтаж» кәрханасы қурылысшылары өз ўақтында питкерди.

Сондай-ақ, Өзбекистан Pеспубликасы Президентиниң «Мәҳәлле институтын және де муўапықластырыў ис-илажлары ҳаққында»ғы Пәрманын орынлаў тийкарында улыўма жойбар баҳасы 765 миллион сум болған «Мәҳәлле» орайының заманагөй имараты да қысқа ўақыт ишинде бой тикледи.

Өзбекистан Pеспубликасы Конституциясының 25-жыллығы қарсаңында усы еки социаллық әҳмийеттеги имаратлардың гилти өз ийелерине салтанатлы жағдайда тапсырылды.

Илажларға Қарақалпақстан Pеспубликасы Министрлер Кеңеси Баслығы Қ.Сариев қатнасты.

 

Ә.Жиемуратов,

Қарақалпақстан хабар агентлигиниң хабаршысы.

http://kknews.uz

Жаӊалықларды бөлисиӊ!: